世界各地人飲食習慣唔同，我地心目中難以入口嘅食材，喺另一啲國家，可能係天國級美食。經過第一輯喺歐洲同摩洛哥嘅挑戰，兩位主持已經初步認知到，美食大國如意大利、西班牙一樣出產唔少意想不到嘅暗黑料理。喺新一輯節目入面，製作組飛到南北美洲。表面上正正常常嘅美國料理，會唔會有新驚喜？聽落去已經有啲耐人尋味嘅墨西哥同秘魯，又會唔會發現一啲Hailey 同Brian 都接受唔到嘅恐怖料理？除咗挑戰大家嘅視覺同感觀，亦都會探討呢啲奇怪美食嘅來源，睇睇究竟乜嘢文化同環境，孕育出呢啲意想不到嘅料理。
《冲遊泰國》不經不覺已來到第七輯，「泰國通」胡慧冲(Roger)繼續夥同大家熟識的「冬陰家族」和嘉賓主持鄺玲玲「捐窿捐罅」探索泰遊熱點，今次節目率先介紹充滿玩味的芭堤雅及極富品味的清邁，包括各式「泰潮」打卡勝地、「泰型」酒店、食肆……此外，泰國旅遊業受疫情打擊，冲哥分享當地人如何疫後求變，帶出疫後重生的勵志故事以及逆境求生的「泰度」；當然少不了教大家簡單泰文及各種泰國生活小常識。
TVB致力發掘潛質新星，培養螢幕最強接班人，薪火相傳。趁着55周年台慶前，呈獻非一般選秀節目，尋覓新生代全能司儀！ 主持人妙語連珠，直播現場臨危不亂，每位金牌司儀、王牌主持，都令人印象深刻。《全能司儀選拔大賽》由鄭裕玲、林盛斌、陸浩明引領多位參賽藝員，向實現司儀夢進發。 通過重重難關，實戰考核外景與廠景等多項情境技巧表現，綜合星級評判及現場觀眾評分，誰人可脫穎而出，晉身《萬千星輝賀台慶》的司儀陣容？
旅遊達人就見得多，從未去過旅行嘅人上旅遊節目你見過未？「初度遊」揾嚟三位旅遊新鮮人，獻出佢地論盡嘅第一次，包括迷路、被昆、碰釘、搭錯車、帶漏野，無所適從、無奇不有！當睇見佢地嘅烏龍與無助，又會否令你諗起自己嘅第一次？
請來藝人與素人，通過簡單測試、相處實況、促膝談心，嘉賓分享自己對友誼的看法，並找來好友，分享他們之間的共同經歷和回憶，透過簡單測試，考驗二人合拍度、忠誠度和相處之道。
世界各地隱藏住唔少學習能力超高嘅天才，我哋深信香港同樣隱藏住咁嘅能力者，只係欠缺一個被世人看見嘅機會！《無限試煉場》將會派出肥仔、winwin；Gi 、YoYo、湘湘；Vivian及Maisy組成嘅競技團隊，挑戰各界身懷絕技嘅達人，用最短時間複製佢哋嘅能力！再進行大挑戰，無限試，試到得為止！
十個單元故事，分享幾位料理者的煮食之路，了解他們入熱廚房的動力來源。用心烹調的每一道菜，都融入了一份獨一無二的感情；不同的材料，不同的手法，不同的客人，卻有同一樣的人情味。
不少人昔日或都有個歌手夢，卻因為生活、家庭等種種原因，迫於無奈放低夢想。《中年好聲音》由車婉婉擔任主持，接受35歲或以上人士參加，讓中年唱將們把握機會登上追夢列車！一百位參賽者經過海選躋身節目舞台，先透過盲選形式作賽。Maria Cordero、伍仲衡、張佳添等組成五人評審團，會憑聲線撳燈，揀選出五十個晉級人選。參賽者接着需要面對不同形式、主題的挑戰，披荊斬棘向着夢想奮鬥，力爭成為終極好聲音！
主持嶄新攞苦嚟辛，口窒窒膽粗粗，窺探日本極道，跟住「大佬」搞呢搞路；擂台挑機真拳手、深夜追擊暴走族、快閃黑道防彈屋、壘球約戰山口組、扮教父見黑手黨、劊「指」手家法伺候⋯⋯內容踩界，拍之而後快！收視險中求，台前幕後吃盡苦頭；笑聲背後剖開黑道憂慮哀愁，奉勸世人做個好人。節目籌備一年，打造可能係電視史上最「惡」嘅搞笑綜藝節目。
延續「活好D」精神，尋找大灣區生活更多可能性。陸浩明、陳詩欣暢遊拍拖熱點日月貝、情侶路，珠海也可很浪漫；潮玩文青及一家大細也適合的樂士文化區；介紹廣州醫療及安老服務。衛志豪、魏韵芝及鄧以婷以兩種截然不同角度，發掘廣州如何用科技改善民生、保育古蹟、介紹夜生活等資訊。區永權、黃美棋、胡諾言在東莞、深圳，由「冼沙」魚丸吃到法式甜點，從香味實驗室玩到人類熱忱事務研究所，還精挑主題酒店，食玩買住盡在大灣區。
